दशैंको टिका

त्यो निधारको राताम्य टिका

किन लाग्छ आज मलाई फिका

पर्देसिएको म र मेरो कथा

सुनाउन मन लाग्छ आज मलाई मेरो व्यथा

अपरिचित सहरमा अल्मलिएको म

स्यानो आशमा भुलिएको म

खै सकिन्दैन त खोक्रो सपनाको पहाड

रणभुल्लमा छु, मन मान्दैन यो तछाड र मछाड

बाल्यकालको चुलबुले यादमा रमाउँदा

ठुलाबडाको टिका रुपी प्रसाद लगाउँदा

पर्देसिएको भावनालाई एकछिन भएनी बिर्सन्थे

त्यो पसिना र आँशुलाई पलभरलाई टाढा राख्थें

बाध्यतामा किनारा लागिसकेको मेरो यो जीवन

न्यास्रो लागेपनि दशैंमा याद आउँछ झन्झन्

निधारमा माता दुर्गाको आशिर्वाद रहिरहोस् भन्ने मेरो चाहना

विजया दशमीको सबैलाई हार्दिक मंगलमय शुभकामना।